. Қуйидагилар Марказнинг асосий вазифалари ҳисобланади:

ногиронлиги бўлган шахслар, жумладан, ногиронлиги бўлган болаларни тиббий реабилитация қилиш;                                                                                                                                                  ногиронлиги бўлган шахслар, жумладан, ногиронлиги бўлган болаларни ижтимоий реабилитация қилиш; меҳнатга лаёқатли ёшдаги ногиронлиги бўлган шахсларни жамиятга интеграция қилишга кўмаклашиш.

2. Марказ ўзига юкланган вазифаларга мувофиқ қуйидаги функцияларни бажаради:

а) ногиронлиги бўлган шахслар, жумладан, ногиронлиги бўлган болаларни тиббий реабилитация қилиш соҳасида:

тиббий реабилитация қилишда ногиронлиги бўлган шахслар организмининг издан чиққан ёки йўқолган функцияларини имкон қадар тиклаш ёки уларни компенсация қилиш ва фаолияти чекланганлигини бартараф этиш;

Марказда реабилитация тадбирлари ўтказилган ногиронлиги бўлган шахсларнинг касаллик нозологияларидан келиб чиқиб ногиронликка олиб келган асосий касалликларни таҳлил қилиш ва соғлом турмуш тарзини тарғибот қилиш;

таянч-ҳаракат тизимидаги турли жароҳат асоратлари, ортопедик ва бошқа касалликларда реконструктивтиклаш жарроҳлик амалиётларини олиб бориш;

даволаш-профилактика муассасалари билан биргаликда ногиронлиги бўлган шахсларни реабилитация қилиш чора-тадбирларининг самарали усулларини ишлаб чиқиш ва амалга ошириш; 

тиббий реабилитация жараёнини такомиллаштириш мақсадида замонавий тиббиёт фани ва амалиёти ютуқлари, илмий услуб ва услубиятлари, технологияларини амалиётга жорий этиш борасида етакчи клиникалар, жумладан хорижий клиникалар ҳамда республика ихтисослаштирилган илмий-амалий марказлар билан ҳамкорлик қилиш: 

Марказни малакали кадрлар билан таъминлаш, уларнинг назарий ва амалий билимларини мунтазам равишда ошириб бориш;

б) ногиронлиги бўлган шахслар, жумладан, ногиронлиги бўлган болаларни ижтимоий реабилитация қилиш соҳасида:

ижтимоий реабилитация қилишда ногиронлиги бўлган шахсларни жисмоний ва ақлий имкониятларидан келиб чиқиб уларни реабилитация қилишда индивидуал ёндашувни жорий қилиш;

ногиронлиги бўлган шахсларни протез-ортопедия буюмлари, реабилитация техник воситалари ва кресло-аравачалар, маиший тусдаги мосламалар ҳамда бошқа техник воситаларидан тўғри фойдаланишга ўргатиш ва психологик тайёрлаш;

ногиронлиги бўлган шахсларни оилавий-маиший шароитга мослаштириш (адаптация), қайта мослаштириш (реадаптация) мақсадида психологик тушунтириш ишларини олиб бориш ва жамиятга интеграциялашувига эришиш; 

в) меҳнатга лаёқатли ёшдаги ногиронлиги бўлган шахсларни жамиятга интеграция қилишга кўмаклашиш соҳасида:

меҳнатга лаёқатли ёшдаги ногиронлиги бўлган шахсларнинг руҳий
 ва жисмоний ривожланишини инобатга олиб, уларнижамиятга интеграцияқилишга қаратилган реабилитация тадбирларини амалга ошириш;

меҳнатга лаёқатли ёшдаги ногиронлиги бўлган шахсларнинг келгусидаги мустақил ҳаётий ва меҳнат кўникмаларини шакллантириш тадбирларини амалга ошириш;